疫境,逆境:疫情一百三十天小結

喺墨爾本第一波爆發嘅時候,我寫左《疫情五十天小結:適者生存站起來》,翻看後不無感慨。而且當時寫完之後幾日,養左十二年嘅愛犬阿堅就離開左我地。

難得繼續振作,做好網上推廣,民宿生意在第一波疫情受控之後,獲得很好嘅成績。可惜又爆發第二波疫情,一切再由零開始。我決定不去遷怒於別人的無知同任性行為,因為始終是於事無補的,今天嘅世界充滿著矛盾,單單發爛渣也解決不了問題。

兩個星期之前,另外一隻愛犬Baileys 亦因老病死去,我當正佢地係我子女,短短幾個月之內相繼離去,心情低落到一個點。

呢個並唔係鬥慘比賽,我一家人今時今日嘅環境仲可以無穿無爛,都真係好感恩,亦唯有繼續撐下去。

從幸福中長大嘅我,相對上,忍耐痛苦嘅能力算係唔錯,亦有幾嚴重嘅強迫症,不到黃河心不死。我非常熱愛跑步,為了參加波士頓馬拉松,連續九年不停練,跑到痾血尿才停下來。(兩次,睇左醫生驗哂,劇烈運動所致,不可叫做正常,但在運動員之間並不罕見。從醫生角度,遵循process of elimination,經驗身後剔除各個器官出毛病嘅可能性,便斷定可繼續正常練習。)唔係講笑,當你向住白色厠盤射出紅色血尿,嗰種震撼難以形容。

可惜始終功虧一簣,雖然達到左大會要求參賽選手嘅門檻,即係能夠於3小時15分鐘之內完成馬拉松,但因申請參加人數太多,又被拒於門外。為每年參加馬拉松比賽亦要控制食量體重,吃不飽,糖份低,影響心情甚至輕度抑鬱,喺冬天還會容易病,病左又不能練習,之後更悪性循環。上年終於到了臨界點,討厭練習,除下心跳表,不再在乎各樣生理體能數據。報了名參加嘅墨爾本馬拉松,亦決定放棄,八年來第一次不參加。

我不甘心,需能受苦但要受得有價值。所以決定只為正確的價值去奮鬥。相對參加波士頓馬拉松,這是一個挫敗。但相對一般人,其實成績已經不錯,每次本地馬拉松都係最快嘅5至7%。重點是,跑得快樂健康才是真正應該追求嘅價值,所以決定只會覺得好玩才再跑。調整價值後重新訂立目標,心情便能再次開朗起來。

生意上,心情上,現在第二波疫情又將我打倒。好多人話,除疫情之外,世界大環境都係近幾十年來最差嘅。

This is the worst of times.

但亦都可能係最好嘅新開始。與其沉醉於其實千瘡百孔嘅所謂成功,被打倒之後反而可能釋放自己,反省重新步處。我不怕失敗,好似嬰兒學行,每次跌倒又再爬起來,其實人人都可做到。從失敗中再出發,任何進展都係好事。

相對於多年經營有道嘅民宿,我嘅生意運作三年來成績仍未及預期。但作為地產投資,不失為一個變相高收租物業,而且選址成功,受惠於蓬勃地區發展,近五年樓價跑贏大市,民宿所在地是全維州近二十年升值最大嘅第九及第十位。我知道如果繼續死拼,民宿生意必可再上,但始終會不及地產升幅。既然定性如此,唯有聚焦於有更高投入與回報比例嘅地產價值。民宿會繼續用心經營下去服務客人,但只會有機地發展,暫定約七年後拆卸重建成排屋出售,即地產投資收成之時。

至於我自己,雖然民宿生意已上軌道,並重新定位為地產投資,但我創業之路並未完結。經營民宿生意所犯過嘅錯誤,學到嘅新事物,會再用於未來新機遇。始終純地產投資只會製造財富流動,為社會製造價值有限。除高於傳統收租回報,民宿的營運亦衍生了一個微型食物鍊。舊屋得到活化,另外地區旅遊業及顧客對民宿都有需求,增加整體消費,當然亦為地區草根階層提供了工作機會,所以並非單單買樓等收租可比。

我非常喜歡Hobart Museum of Old and New Art (MONA),曾經造訪及住左幾日。除左劃時代嘅建築設計,及可以摸著酒杯底睇藝術品之外,據說整個MONA及其展品,都係創辦人David Walsh自己嘅變相自傳。David覺得人生就是為了追求性愛,同避免死亡,呢個亦係佢藝術館收藏嘅主題。佢係一個自學成才嘅數學家,並利用其天賦成為一個成功嘅國際職業賭徒。David有感其財富來源不光彩,亦無任何社會貢獻,所以將佢嘅財富,酒同藝術收藏打造成MONA。今天MONA係塔斯曼尼亞旅遊市場,甚至整個Hobart市增長嘅基石。

David嘅故事對我人生有好大啟示,刺激我繼續每天創造新價值,新思維。既然人生最壞只是死亡,現今環境又已跌至谷底,還有甚麼可怕!現在係淨化心靈嘅時機,排走多餘雜念,執著,及基於物質嘅無謂比較,放棄追求無聊嘅價值,攪清楚我究竟為什麼而戰。

我究竟會唔會再進步,我會為周遭留下什麼影響?日子會提供答案。呢個網誌會繼續記錄我嘅日常,迫我不停反省。

呢個網誌已經開始了幾個月,當初我覺得就算冇人睇,最少可以成為我留給小朋友嘅一個記錄。但現在多了新的聆聽者,就算我休息了兩個星期網站還有穩定人流,多謝大家支持,更慶幸擁有知音。

艱難時期仲未完結,故事未完待續。。。

延伸閱讀:

這個網誌的Facebook Page 成立了,希望大家能like 及follow 一下。亦歡迎大家分享給朋友。謝謝。

Published by Lok

Middle-aged entrepreneur who is always looking for inspirations to create. 中年有機, 好戲在後頭! 小弟一把年齡,驚覺中年先有機,生活無可避免改變,現在誠實面對 。每日繼續打拼,尋找靈感,堅持去創造。

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: