疫情五十天小結:適者生存站起來

武肺大流行第一波差不多受到控制,希望冇第二波。從澳洲開始進行限制外出起計,已經五十日,可以嚟一個小結。

講真,我覺得呢五十日過得好快。起初希望用呢段時間做嘅嘢,我好多都未能完成。

同好多人一樣,政府限制令到我一下子冇晒收入。雖然日常生活仍然頂得住,心情難免經歷左高山低谷。我喺大約兩星期之後回復正常。回想起來,終於諗通嗰日,就係我踩單車周圍睇區睇樓開始。互聯網上流傳一句說話,非常有道理,話呢次唔係大災難,而係大修正。所以要適者生存,如果只係每日煲劇等疫情完結,之後重過所謂正常生活,即係希望繼續用疫前舊方式舊思為,我相信我會被淘汰。所以我覺得我要:

一)打破常識。都話明係大收正,所以最怕嗰句萬能key,「乜乜乜是常識吧。」呢個唔代表我會自動波向反方向行,但係重新研究少不免。一啲以前明知係錯嘅做法,只係因為磨爛蓆唔肯改,係時候改啦。

二)提高原有目標,玩大佢。

三)馬死落地行,萬事要忍,就算要親力親為並唔代表折墮。

四)Cash is King! 暫時慳啲駛,保留實力,過簡約生活。

例如自己民宿生意方面,疫前成立左自己訂房網站,數碼市場推廣雖然有小成,但未有大突破。就係因為被大牌子訂房網站養懶,食得飽唔肯力推。依家好啦,冚家富貴冇生意,的起心肝做好佢。最近因爲寫個人網誌,及其相關交流,有好多新體會,喺民宿推廣方面應該用得着。前日一早起床,沖好咖啡,為民宿網站製作左新內容,之後再發推廣電郵俾所有客戶。所有今年曾經幫襯嘅熟客,逐一再聯絡,話比佢哋聽我哋仲頂住,仲趁呢段時間做維修保養,準備好再做佢哋生意。最開心係獲得舊客打氣回覆,仲有新訂房㖭。顧客嘅回覆亦都肯定左我嘅想法,就係大家禁足一段時間之後,又唔可以去外國旅行,本地旅遊應該最少有一波"復仇性"消費。

冇生意請唔起人做嘢,親自落手落腳,去民宿做小維修,順便了解一下同業,會一會見供應商。提早找清尾數,同舟共濟。另外會計師都好幫手,代向政府申請補助金。

民宿做小維修

原本身痕想買車,都係慳住使所以推遲。反正呢啲奢侈品生意有排唔掂,折扣只會越來越多。其實之前受過某歐洲品牌車行不禮貌對待,本來諗住趁地淋攞現金支票上去大佢,坑佢賣一㗎平車比我,但君子報仇, 十年未晚,最緊要忍。

限制外出期間,其中一個留家項目,就係重新佈置home office,提高創作力。廿年辦公室生涯,辛苦供樓,但係每日在外十幾個鐘,屋企幾靚都享受唔到,非常諷刺。創業生涯比我一個機會盡用家中每一寸。好多人叫呢種方式做Work from Home,我覺得應該係Produce from Home。我要求我嘅工作空間可以刺激我替客人創造出價值。

Home Office @ The Emboldening Blog
Produce from Home

距離政府放寬限制仲有大約十日,希望呢輪下左嘅苦工會有成果。

如果你喜歡呢嗰網誌,請你幫手subscribe,亦可add我Facebook,下面有連結。謝謝!

Published by Lok

Middle-aged entrepreneur who is always looking for inspirations to create. 中年有機, 好戲在後頭! 小弟一把年齡,驚覺中年先有機,生活無可避免改變,現在誠實面對 。每日繼續打拼,尋找靈感,堅持去創造。

3 thoughts on “疫情五十天小結:適者生存站起來

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: