致+852朋友,來澳睇樓睇環境需知及建議行程

hong kong add oil

大環境不穩定,網上很多留言,不少香港人恨不得立刻離開,開始計劃來澳洲視察環境和睇樓。

不少香港人以香港習慣及認知來計劃來澳行程,到步才知道澳洲本地做法大不同,所得到的和期望有落差。就算多年前曾經在澳洲留學或居住過的朋友,都不能避免。

所以先攪清楚不同之處。

  1. 香港賣樓多由多個經紀行同時代表,澳洲絕大多數是獨家。
  2. 香港暗盤做法普遍,需要經紀作介紹引路,澳洲絕大部分作網上公開,除少數大額豪宅只由高端經紀介紹。
  3. 香港經紀帶你去睇樓,澳洲需要你自己先計劃好,之後準時去睇open for inspection。
  4. 香港每日都可預約睇樓,澳洲通常在星期六日,間中星期二,及四下午。不過新樓及樓花展售廳便門常開。至於二手"匙盤"(即空置單位),你給經紀一日通知,通常可安排得到。
  5. 有小部分澳洲經紀會帶服待你甚至接載你去睇樓,但是只會睇他們代理的盤。每區起碼有二三十個活躍經紀,想看得全面,便要自己開車同做足功課。
  6. 香港經紀人多爭飯食,甚至會攔路截車搶客。澳洲經紀常常較買家富有,你擺架子,或者準備不足,有時候心高氣傲的他們可能會對你不瞅不睬。
  7. 香港通常親身上門睇樓,澳洲地方大距離遠,通常先上網看相片,從地圖上確定位置和物業坐向,篩走大部分盤之後,才上門睇餘下少數。可參考前文樓盤篩選方程式之一,一百揀十。澳洲熱門地產放盤網站有domain及realestate.com.au。

假切你是目標為上,遊覽為副,以下是一個爭分奪秒的行程。

  1. 飛機班次,晚上到步較好,尤其對有小朋友的家庭,check in酒店睡一覺好,抖足精神第二天才出發。
  2. 落腳點,如果你有最少一個星期時間,先住兩三晚Central Business District (CBD),之後才租車開往目標住宅區逗留餘下時間。先在CBD處理必須事項,例如開銀行戶口,約見移民顧問,mortgage broker等,同時可基本遊覽一下。CBD有齊公共交通工具,不需要一到步便在陌生環境揸車。
  3. 星期六晚到步,星期日唞足精神,先享受一杯咖啡,之後寫意地遊覽一下。品嘗地道美食,又可探望親朋戚友。
  4. 星期一早上先去銀行,Medicare 等必須親身辦的事項,避開午間人潮。就算在香港有分行的誇國銀行,大多要重新及親身開戶口。離港前先問清楚。下午繼續吃喝玩樂,帶小朋友到近CBD動物園遊玩,讓大家先喜歡上及接受新地方。
  5. 星期二一早從新上網搜尋新樓盤,兩公婆可一人一部ipad,參考前文樓盤篩選方程式之一,一百揀十,每人搜索一兩區。再發出所有物業查詢電郵,等經紀回覆。下午check out 搬去目標地區酒店,或service apartment,AirBnB 等。光顧香港人出沒的食店,去超級市場逛一下,了解本地生活。
  6. 星期三如果經紀還未回覆,先跟進一下。這一天目標是了解社區,模擬本地人生活。如果你有朋友住在該區,你可以仿照他們每天的行程,公園散步,放狗,飲茶,上咖啡廳,購物,帶小朋友上學等。留意雖然大部份學校並不容許白撞。學校網站通常有定明開放日日期,一年一次。如果有相熟朋友剛巧接放學,可一齊入去看看,通常可以走近小朋友班房,甚至同先生打個招呼。如果沒有,可嘗試先去校務處登記,並預約見校長。就算安排不了,可沿途離開時順便觀察一下,記得帶小朋友同行,若是遇到懷疑目光,記得以字正腔圓的英語打招呼,「對唔住,我個小朋友真係好鍾意呢度,想嚟呢度讀書,我哋走梗㗎啦。」老師知到你不是不文明的土豪,通常都會善待活潑好學的小朋友及家長。
  7. 星期四早上,集齊經紀回覆,為目標物業再進行篩選,可參考前文樓盤篩選方程式之二,十揀五。到左呢一步,你可以跟著篩選名單計劃睇樓流程。下午茶時段有機會可一試本地茶記(香港式咖啡廳),相信你之後返回香港一定會預先搜購茶葉和學做菠蘿包。
  8. 星期五,應該試坐公共交通工具,這是了解本地冶安同目標區域交通完善程度的好機會。記得先安排好行程,因為澳洲公交班次較香港少。下午可以去睇新樓盤的示範單位。
  9. 星期六,是最忙的一天,跟隨之前篩選好的名單,全日馬不停蹄睇樓,通常由十時開始,至下午四時。網上樓盤廣告會預先通知open for inspection 的時間。
  10. 如果再多留一星期,重複以上一次,可以去了解其它地區及學校。

如果有乜其他事項需要注意,歡迎留言加入討論。如果你喜歡呢嗰網誌,請你幫手subscribe,亦可add我Facebook,下面有連結。謝謝!

P.S. 香港加油。

Published by Lok

Middle-aged entrepreneur who is always looking for inspirations to create. 中年有機, 好戲在後頭! 小弟一把年齡,驚覺中年先有機,生活無可避免改變,現在誠實面對 。每日繼續打拼,尋找靈感,堅持去創造。

2 thoughts on “致+852朋友,來澳睇樓睇環境需知及建議行程

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: