去旅行啦！本地物業考察遊

留家十幾日，大家應該吽到出菇。不如蒞一個一日快閃遊。不過最緊要跟足政府social distancing 要求。我想分享嘅係既可以做運動，又可以從物業投資角度了解社區嘅方法。

就係踩單車。

如果你一向習慣左喺馬路上踩單車，而家交通稀疏，少咗引擎廢氣，空氣乾淨。平時我點都唔會係Richmond Hoddle St 踩，否則可能會比搵食車當一隻蟻咁碾過。另外因應防疫要求，唔好踩太遠，所以目的地只係市區。踩車唔方便帶搓手液，所以唔想停低喺cafe 啡一啡，但感覺市區路線有啲dry。

橫掂都喺街道兜嚟兜去，不如＂巡吓社區＂，可對目標社區及房產品了解更多。步行太慢睇太少，開車又太快走馬看花，踩單車啱啱好。

架生要求：單車，頭盔，水樽，防曬，頭尾燈（如果你入黑後繼續或天未光出車）。三年多前參加三鐵比賽之後，我架Cervelo超輕量化公路車都少用到，國家終於有任務比佢啦。不過任何單車都可以嘅，只要你雙腳爭氣就可以啦。

就係咁，雖然雙腳冇哂比賽時鍋輪增壓嘅爆炸力，我用慢轆揮手嘅優閑速度出發。我家附近最多無聊上落岥，一出門口就要爆上斜路，加上晨早涼風陣陣，即刻沮咒自己嘅決定。不過慢慢適應落嚟，加上N年冇出街，有一種自由愉快感覺。

每一個考察之旅都要有既定行程同目標，否則就唔知睇左啲乜，冇key take away。呢次我想八卦：

（一）off the plan 大地盤進度如何（因妄想會有撻訂平貨執）

（二）Kew 附近Single Front Victorian House 獨立屋，其環境，質素，要留意地方。

考察路線如下：

第一站，頭盤，只係八卦多，Yarrabend 地盤，Alphington 。遠距離目測呢個大项目情況。當日快速沽清，有頭威，有冇尾陣呢？

第二站，City，人人講到死城一樣，觀摩一下。

第三站，Kew，主菜，了解Single Front Victorian 喺該區係乜嘢一回事。

是日係Easter Monday，Yarrabend地盤當然冇人開工。不過townhouse 及獨立屋群大致落成有啲規模。一向對呢個地點有啲保留。西及北面邊界都係全日繁忙大路，沙塵滾滾。除南鄰Kew及東鄰Ivanhoe之外，其它鄰近社區都一般，又有warehouse。不過Chandler Highway 上M3終於曠闊完成，係好處。今日親腳踩過，唔錯。亦感受到呢個項目喺Melbourne 算係巨無霸，但成個社區又包括好多發展商認左頭嘅設施，有待建築。呢啲設施係成個新社區生活關鍵所在，為怕發展商走數，我諗現樓較安全。需知喺Kew買支豉油都塞十盞八盞紅綠燈先到，有齊生活所需喺左近非常緊要。

City 雀仔可以霸哂條路慢慢食啲垃圾，堅冷清。不過大部分餐館都撐住做外賣，睇到一絲頑強求生意志。老字號噏耷餐館最早開門，生命力有如小強，感受到只要還原基本為客人提供價值，幾時都有市場。

我一向對Single Front Victorian House有興趣。呢啲上世紀建築物，通常原則係兩房一廳一廁，拆一間少一間，一向有澳洲人追捧，尤其優皮一族，或者退休downsize人仕。係市場調整之前，其＂收藏品＂特徵為投資者帶來可觀升值。不過，有投資者過份裝修彍建，影響回報。因為三四房對象嘅家庭客，通常需要更大面積。但如果想替物業增值，增加面積又係不二法門。

Kew內除天價大豪宅外，又有傳統富貴中産社區。呢次睇區主要想接近呢班居民。當日天氣好，我特登經過小街及街坊公園，見到一家大細出前園及公園唞氣。尤其喺High St，Willington St，Cotham Rd，東至Glenferrie Rd一帶，家庭氣氛濃厚。

呢班居民，好多就係住喺此處嘅Victorian House ，通常又係後半部加大及加建一層。百年前規劃中前園冇預driveway 同車房，所以此區好多屋都有rear access小巷。不過實地睇過，好多小巷都好窄，Fiat 500都未必出到車，切忌一有rear access就加錢。另外Kew嘅Victorian House比起其他區同鄰居有更多距離，冇起到屋貼屋，呢嗰都係優勢。

親身穿過呢啲小街小巷盡頭，就係名校及小店，感受到平日大小居民出入路線，平常方便。此行之後覺得Victorian House 仍然有得做，不過揀地點好緊要。