恐怖意外。不要DIY。點解師傅唔除鞋。

今日師傅上門救命，聖誕前百忙肯抽空真難得。大家傾計，得知一件恐怖真人真事。喺一個悉尼越南人家庭，在花園燈柱釘上一個牌。一日新抱靠著燈柱借力一手握著，之後呆呆站著，手還沒有放開。奶奶上前問過究竟，捉住新抱上臂，之後又是呆呆站在一起。

然後細女衝上前找媽媽及嫲嫲，一碰之後三個一齊倒地，從此不起。

原來掛牌上燈柱之時鑽穿了內裏電線，成支柱通了電，三個人碰著便當場電死了。

風（冷氣）火（煤氣）水電，大家必要請有牌師傅做。除了専業知識訓練，他們有買保險及做足安全措施。報價時必要問淸楚師傅個牌及保險是否有效。

我們常常要求師傅在家裏工作時除鞋，以免弄污地板地毯。很多時師傅們都覺得難為。其實佢地對搵食鞋有絕緣材料保命，以防電流通過、鞋頭鞋底亦有防撞防踩釘、其實亦係保險公司既要求。

所以大家唔好難為師傅啦！

後記：今天師傅前來救命，正正是之前電氣師傅意外鑽穿牆內排水管，好彩冇意外發生。

我的網誌網址及其他文章的連結。歡迎分享連結，並請like and follow 我網誌的Facebook Page ，多謝支持。