我最自豪嘅買賣

我厭倦辦公室生活，自己有民宿生意仔。決定有好計仔留比自己，同自己partner ，唔益老闆。

也做freelancer contractor ，想駛錢時就接個一兩年大project。

宜家冇野做，等下個機會出手。我每個投資project 都最少十年八年，最怕頻密買買賣賣，擅長為物業增值，室內設計係我興趣，喜歡尋找一啲好貨，人棄我取嘅刺激。相信物業升值好過返工升職，交少啲稅好過加人工。最緊要諗計提高回報，跑贏同區物業。

喺工作和投資經驗中，我最自豪嘅買賣係:

一）澳元對美元高位時，代表某澳洲大企業同美國大軟件傾合約。我其實係負責度橋。利用澳元高位，及了解合約法律中弱點，成功為客戶慳左三份之一，即A$40M。個年又有另一班人用同一招向同一美國公司開刀，又斬咗佢A$60M

二）2019年中反送中前賣哂啲港元資產物業。其實由689開徵雙辣招開始，我就視為賣出信號，部署左三年。

三）2013年用一般普通屋價買左一間designer architecture house 自住。我留意左個大陸少婦賣家六個月，佢大貪，前後用左四個agent ，到價都唔賣。佢08入貨都竟然蝕26萬賣比我。到佢用第四個agent 時，已經見哂肚趕住搬。佢出廣告第一日我攞cheque 上去agent到遊說，成功買入。

呢個大陸少婦賣家嘅故事，係所有賣樓業主嘅反教材。

大陸少婦(簡稱少婦)係富有留學生，畢業幾年。父母出資買靚屋佢住，08 入貨百幾萬。

2013年佢同佢老公想生仔，搬去Kew近私校。所以放賣。

第一個agent ，係區內數一數二阿姐，叫佢CS。

少婦同一般土豪無異，佢哋唔明白同唔相信staging 服務。家中擺滿無品味國產傢私，幻想十年前，睇CCTV國產＂時裝＂劇，裏面大富之家道具傢私。儲物櫃放滿廁紙，所有植物枯黃。好好一間designer house ，present 得不倫不類。

CS用盡腦汁，幫佢搵到個客，重出好價，但少婦要接受平手離場。佢竟然叫CS唔收佣金先賣，CS當然拍枱走。

少婦再搵第二個agent，呢個潛左買家當然比CS夾左去買其他物業。

第二，第三個agent ，少婦開哂口話原價八折都走。

但係全世界agent 知佢冇taste 兼儍嘅，都係求其推。所有潛在買家都買左其他野，錯過哂。

第三次放賣no bid auction ，一口價都冇。

我同自己講 ，「係你啦。」我知機會來了。

我係第四次放賣之前，會一會過CS（第一個agent)，佢力推第二間屋比我。我話我有興趣呢間，佢就將少婦嘅故事講我聽。佢一講少婦就火起，「That silly lady, she should have taken the money and run.」 説時重作勢chok 手跑動。佢亦都老作話我間屋有結構問題，佢真係當我唔識睇。我之後將間屋大番新，幾個持牌builder 開哂牆裝修邊鬼有事。

時值暑假，我諗住元旦一過，直接敲門搵少婦傾。

點知少婦急到第一個星期就放盤。呢次搵中國人agent，簡稱AZ。AZ喺细行做，應該係第二把交倚。佢西裝筆挺，意大利袖口鈕，眼神老成。我心裡係諗住用cheque 大佢。一見知道唔大得，決定君子切磋，禮貌傾。

我開門見山，話以少婦處境，間屋冇人出價，其它agent 白做完又唱佢，就算廣告話，”this time must sell”，一定冇運行。

AZ 同意我對少婦處境嘅評估，又見我做足功課，佢主動爆，「少婦買左Kew Main Drive ，大肚，實要搬。」

我回，「我只會出呢個價。」

AZ，「添少少。」

「加兩萬。」

「好，見你有禮貌又nice，幫你。」

其實AZ都驚少婦扭扭令令，速戰速決，即晚成交。兩日賣出，＂sold before auction in 2 days” 大家威吓。

我同我區內agent 講，我會盡力避免犯少婦同一樣嘅錯誤。會保持我間屋top shape，比幾年我，番新到全條街最正個間。小朋友大左希望各agent 幫我賣個靚價，downsize 去也。

少婦蝕咗26萬賣俾我，搬左去Main drive。我之後咁啱上網八掛，見到佢住兩年又賣，放盤相片中用同一批國產傢私，又係利士封紅色sofa 。不過大升市中，呢次佢應該有獲利離場。

如果你喜歡呢嗰網誌，請你幫手subscribe，亦可add我Facebook，下面有連結。謝謝！