Anzac Day，記念為我哋自由而犧牲嘅士兵。剛過去的Anzac Day，我參加了喺Sorrento 沙灘旁舉行嘅紀念集會，第一次不參加自己本區街坊所舉辦的活動。踏正早上6點，號角吹起，紀念儀式開始，短短15分鐘，Lest We Forget。
喺Sorrento聽住潮水拍打岸邊，更容易令人聯想當年士兵登陸時嘅慘烈場面。
「都話咗佢係基㗎啦！」小時候去飲茶隔離枱師奶睇住八掛周刊封面，兩位男明星攬住影嘅相。今天這種片面對號入座，已經蔓延至各階層，包括飽讀詩書嘅，自以為已經看透世情，自動波將大家分黨分派，甚麼左膠、納粹、黑命貴、勇武、再有紅黃綠藍黑各種顏色。
大家已經失去妥協嘅能力，連考慮下都唔想，每天都希望異見者消失。喺匿名嘅網絡世界，大家都更加嘴裏不饒人。「文革」無處不在，即使在所謂開明民主國家。
現在終於打起上嚟，即使是獨裁者落嘅order，我地一般人冇責任咩？我哋其實都熱愛和平，討厭戰爭。但我地每次放棄妥協，就係為鬥爭添柴添火。
我地都係「吳留手」師傅上身嗎？
有冇諗過，戰場上嘅士兵，雖然都會有立場，但都係無私地為國家犧牲，和對頭不認識嘅年青人互相廝殺、直至你死我亡。
我要學習妥協，我命令自己要立即和我立場南轅北轍嘅人，最起碼認同對方嘅一個小觀點。所謂萬事起頭難，但總好過見人流血。
執着只會導向戰爭。反正打到最後都係要妥協。一係現在妥協，一係死好多人先妥協。
大家都要努力！生活還是要繼續，所以我選擇對話。
我 往時那稜角 怎麼也削掉了
被 普遍倒模複製 同化了
只相信人類 是渺小
可笑天賦已開竅
竟覺沒意義了 霎眼亦長大了
《時間的初衷》部分歌詞， 電影《一秒拳王》主題曲。作詞：鄭敏。
後記：Sorrento Dawn Service 之後，順路去附近嘅 Point Nepean National Park 遊覽，呢度以前係軍事禁區，見到荒廢嘅防禦碉堡，更加感受戰爭嘅無謂。
The Emboldening Blog 