封城五日應承自己要完成的事

墨爾本又封城，先嚟五日，希望冇加時。經過上兩次封城經驗，保持積極最緊要。今日年初二，只準許自己懶惰一朝。

先同大家拜個年，萬事如意，身體健康!

上次封城睇到呢個YouTube，主角真人真事喺廿六小時內，每一小時先跑一里，之後完成一啲平日想做，或需要做但沒有完成之事。非常勵志。

我雖然跑過好多年馬拉松，但呢次唔駛咁激，只志在給自己推動力。 唔好只係瞓同食。以下是我個清單，五日後update大家。你地又有冇一個清單呢？

1. 踩兩次單車，一小時山路繞圈高強度操練。
2. 練哥爾夫球，直至一次可一桿chip入洞。
3. 完成工作間掛畫佈置。
4. 完成藍球架油漆番新。
5. 研究出Google Nest Thermostat 啟動舊暖爐解決方案，或證實冇方案。
6. 洗車房洗車。
7. 修剪一排樹。
8. 開始重新學七年班數學科兩個chapter，之後教仔女。
9. 同老婆飲三支酒，睇兩套戲。
10. 影完卷開左超過一年嘅菲林，在原區街境中找題材。

後記:推介呢個YouTuber Beau Miles。佢啲片製作認真，好過不少電視台節目。除內容外，拍攝，背境音樂，剪接都係一流。並非一個人對住鏡頭講嘢就算。個主題背境音樂嘅低音結他旋律一聽就上腦，令人充滿動力。睇完佢其他片仲會增加了解澳洲人生活。