我很喜歡喝紅白酒，更熱愛其背後文化。喜歡到儍傻地在自己後園裹種葡萄，當然種得不好，葡萄從來沒有成熟過，酸度高到盲人一嘗都會開眼。正是知道一瓶佳釀滴滴皆辛苦，所以知道自己國家無故給人欺負，出口被瘋狂徵收關稅，浪費了農夫和釀酒師的心血，氣上心頭。所以想介紹一下優秀的澳洲紅白酒給香港朋友，請大家多多支持！
我不是專家，無論談什麼，專家一詞從沒在我網誌出現。喝紅白酒已廿多年，亦完成了通常為訓練酒商買手及餐廳侍應的WSET 2 課程，但仍不敢班門弄斧，只會以喱民程度介紹較親民的選擇，希望能雅俗共賞，大家飲得開心。
Clonakilla 2019 Riesling
產量不多，酒莊一如以往一早出哂貨。2019已經幾濃郁，早熟少女，即刻飮已經好正，配魚，雞一流。
點樣飲得叼轉：買一打，每年開一支，見證少女變少婦、顏色變金，香味越來越濃郁。
點樣買得平：Clonakilla 真係幾難買得平。Winestar買一打免運費每支三十皮有找一仙。
House of Arras Brut Elite Chardonnay Pinot Noir (non vintage)
塔州出産，傳統法式釀製有氣白酒，有如澳洲小妺妹講得一口流利法文。雖然口感稍為不及頂級法國香檳，但係三十蚊想點？抵過某法國大莊喺澳洲做嘅貴價有氣白酒。
點樣飲得叼轉：好天買即開生蠔去公園picnic一齊幹掉，或去有BYO日本餐廳送白魚魚生，例如稍為油份高嘅油甘魚腩，甚至金本雕就一流。
點樣買得平：上酒莊母公司Cellar One 網站有內部價錢，平過大連鎖店一至兩成，需介紹成會員，無人介紹就PM我。我仲會再等間中出現的全場九折。但每次最少買六支，免運費。
Hoddles Creek Estate Chardonnay （任何年份）
Yarra Valley 出產優質Chardonnay ，此乃全區最抵飲嘅Chardonnay 。誇張啲講係良心價（建議零售價只是$22）。
點樣飲得叼轉：抄《好酒好友》嘅idea，酸度較高嘅年份（多數），攞去茶記送白汁焗乜乜七七意粉或飯（橫掂乜嘢肉都係無味冰格貨，茄汁焗豬扒飯也可，總之要夠油）
點樣買得平：本來都唔貴，年年買多少守吓門口。最平買過$18一支（買半打），送到上門。
Wynns 2017 The Siding Cabernet Sauvignon
2017年收成質素麻麻，大廠Wynns為保招牌，該年不做其頂級labels。咁代表平時較優質嘅田所出産嘅葡萄會用來醸製平價酒。爛船也有三分釘，抵呀！上次接近發生係2011年。
點樣飲得叼轉：黒椒蒜蓉牛油煎牛扒，青椒絲rockets雜菜沙律，配合呢支酒herbal香味。有酒有肉有菜每位成本十幾蚊，大満足！
點樣買得平：大連鎖店都係賣$12一支，用平時減價買定嘅折扣咭，再加網站cashreward或shopback嘅現金回饋，石頭都可以摙出血。
聖誕佳節，大家過了困難的一年，希望大家可以開心飲番幾杯！
我的網誌網址及其他文章的連結。歡迎分享連結，並請like and follow 我網誌的Facebook Page ，多謝支持。
The Emboldening Blog 