跑完！收工！

順利完成第九次墨爾本馬拉松，下次我可以升級做Spartan 跑手，穿上專屬綠色戰衣！Spartan 是墨爾本馬拉松獨有的跑手榮譽，必須最少跑十次，完成後會給予一個終生跑手號碼，及記錄於『跑手堂』中。今天大約有千多名Spartans，其中三名跑手更完成了開始舉辦以來所有43次的墨爾本馬拉松。

跑前經過多場超長課訓練，由攝取營養能量嘅量同頻率，到控制心跳率，及可持續的速度，都預演及測試過。跟教練商量過後，決定放棄之前練了一年的目標跑速，寧願以較慢速度跑，但由頭到尾『舒服』地以均速完成。(如果馬拉松係可以舒服的話)

成績係3小時36分。停了兩年多，『復出』再練66星期，加上一把年紀，收貨！滿足！

不想寫得太技術性，悶死人。有興趣的請留言，我盡量答。

今次馬拉松嘉年華有超過9,000人參加，史上最多！但新手亦多。原途不少人明顯勉強了，救護員，救傷車忙碌著。有興趣參加者務必要多緞練，不要打天才波。馬拉松是沒有所謂臨場發揮的，既需要意志但又不可以只靠意志，送你到42.195 公里外終點的，始終只有你雙腳。

最後一提，世界仍未和平，大家請繼續努力。

後記：多謝Paco、sorry 、係多謝兩位教練Zero及粉紅大佬！佢兩公婆簡直係神鵰俠侶，飛左去夏老威參加鐵人世界賽。恭喜大佬強力完成！

後記之二：穿了十二年的比賽用跑鞋，今場之後決定換啦。大家一齊經歷左6、7場馬拉松，三場半程(70.3)鐵人賽，仲有其它較短三鐵賽事。今天除了舊之外，其只求輕量化設計，既傷腳，又過時。我會說聲「謝謝」，跟著斷捨離。