自序
香港人經過社會運動及全球大疫情折騰，好多都萌生移民去意。我都係過來人，對移民並不陌生，甚至可以話係搬慣搬熟。
我喺香港長大，中學時期隨家人移民墨爾本。大學畢業後到美國穿州過省工作八年。機緣巧合，之後又輾轉到香港工作，直至小朋友係金融海嘯時期出世之後，就再移民去澳洲墨爾本。
第一次移民，由先父決定，主因係八九六四，香港回歸。
第二次搬去美國，大學畢業正值澳洲大衰退，考完試玩左幾個禮拜就走。純粹為工作機會，年紀輕輕不會想太多。撞正科網熱潮，累積了寶貴工作經驗，亦第一次買物業，賺到第一桶金。
第三次由美國搬去香港，適逢香港剛從沙士後復原，大陸強國崛起之機遇。當時又有回港跟家人團聚需要，雖然美國綠咭申請過程已經過了一半，遇到好嘅機會，零四年放棄綠咭去左香港工作。之後仲避開左美國金融海嘯之後嘅困難時期，不過呢個係後話。同時用左係美國賺到嘅，投資係後沙市復蘇嘅香港樓市。
第四次回流澳洲係最簡單最易嘅決定，正係為左提供比一家人齊齊整整生活所需要，兼我覺得係世上最佳嘅土壤。一個唯一，沒有第二選擇及妥協餘地嘅目的地。不過執行上呢個係最困難，最複雜嘅一次。老婆同我每人手抱一名嬰兒，連同兩隻唐狗，刻苦經營融入，建立新家園。
我每次搬竇，都會全情投入該地方，識朋友，建家園，所以又當然包括買當地物業投資自住。我次次都預左會長期留低，從冇視當地為酒店，朋友為過客。但我非常相信自己本能直覺，當我覺得因為家庭事業或世情，而我嘅將來會喺另外一處地方，或感到危機殺到埋身，從不拖拖拉拉騎牆，揹起背囊就走。多謝家人從來鼎力支持，又感欣新地方及朋友對我如自己家人一樣，照顧非常。
我不相信移民係一個保險，除非你家財萬貫，世界各地都有竇口，可以駛啲散紙買個簽證傍吓身。如果你係呢個層次嘅人，從不需要考慮移民，買外國物業只係分散風險。
一個我住多幾日都唔舒服嘅地方，我當然唔會移民去。投資買物業一樣，冇家嘅感覺就不買。如果某城市展望及回報理想，但我對當地不喜歡，大可以買當地某些如REIT嘅投資產品。如果買得磚頭，就係唔止同當地拍拖談戀愛，直情係結婚生仔。所以我只會喺我真鄉下買樓，旅行先返嘅鄉下，真係有多餘，吓旅行短住嘅目的地。
就係因為基於呢種直覺同心態，每次搬去一個地方，本身都係一個長綫投資。我會認真認識同投入該地方，又以破釜沉舟，無路可退嘅態度去處理每天都會遇到嘅困難。所以投資買樓嘅原則，亦要滿足一家人安居樂業，為提供糊口所需嘅被動收入，及未來發展嘅基礎。
我自問只係普通中産一個，一隻營營役役嘅工蜂。投資買樓確有小成，但離上流有錢人仍隔開十萬九千里。雖然有被動收入，可選擇性工作，但仍每日堅持為白己，為家人，生意伙伴及客人創造價值。我習慣早起，運動前後，以咖啡因催谷，一諗通事情就寫低。順便重新認識自己，計劃未來。又為劣作網誌及寫書提供內容分享，尋找知音，以至新投資機遇及伙伴。
呢啲分享亦希望為想移民澳洲及喺當地買樓而十五十六，猶豫不能決嘅讀者提供一啲思考角度，精神食糧。移民澳洲，過程包括心理上嘅調整，裝備好自己迎接挑戰，亦係一個重新建立家園嘅實際執行，包括買樓及安頓工作。我回想過去多次移民，重新整合左我嘅經驗。另外我會分享我對買澳洲樓嘅認知，及對墨爾本物業嘅專題詳細分析。我三十年前第一次移民就落戶墨爾本，對墨爾本有獨特個人感情，當需要重新安頓家人，從不考慮其他地方，無論係澳洲其他城市，定係曾經長期居住嘅美國。但未來有機會，可再分折其他城市嘅居住及物業情況。
目錄
第一部分，調整移民的心態，作出合理期望。（完成）
嘴巴說著移民的人大約有三種。第一種只是討論移民，他們根本不想或不適合移民，自己可能也不知道。第二種真的想移民，但欠缺全局考慮，常帶著不合理的期望去執行。第三種人想移民，但過份考慮擔心，欠缺勇氣衝出去。此部份希望帶大家還原基本步，對自己老實一點，思考清楚前路。
第二部分：部署移民 （完成）
當一個人決心要辦移民之後，通常就會為部署而煩惱。這不外乎金錢，工作，學業，搬家。這個掙扎過程非到登上飛機的一刻才結束。
第三部分：打造澳洲新家園 (Target – 4/7/2020 – revised 15/7)
排除萬難，戰勝掙扎，終於在澳洲安定下來。由一磚一石開始從新打做新家園，但在陌生地方要學習的實在太多。透過赤裸裸地指出常見的誤解，加上最直接，機械化的步驟，減少大家在澳洲置業路上的障礙。
- 買房前必須放棄香港居住模式思維 （完成）
- 澳洲人一生中的買樓，換樓，賣樓（完成）
- 澳洲香港兩地物業買賣分別，建議睇樓睇區行程 （完成）
- 澳洲物業拍賣 建立經紀關係攻略 （完成）
- 物業篩選方程式（完成）
- 尋找澳洲抵買和理想物業（完成）
- 為高增長奠基，澳洲物業營運藍圖（完成）
- 澳洲物業首選Freehold，地大為王（完成）
- 買新舊樓之間的決擇和日常保養（完成）
- 墨爾本住屋市場分析（完成）
- 墨爾本校區房 （完成，需要少改）
- 一球買墨爾本優質校區房 （完成）
- 墨爾本豪宅區介紹及剖析，對中產投資者的啟示（完成）
- 上車的決擇，沿火車線搵樓套路 （完成）
第四部份：投資房產，為退休作準備 (Target – 11/7/2020, revised 21/7/2020)
- 了解澳洲建築業及國策 （29/12/2019 舊文可從用，但需要更新上載）
- 調節心態及對回報嘅合理期望 （12/2/2020 舊文可從用，但需要更新上載）
- 買一間自住定係分開自住加投資房 （30/10/2019, 11/2/2020 舊文可從用，但需要更新上載）
- 分折與真覺 （完成，需要少改）
- 長租，分租及短租考慮
- 迎合亞洲人口味物業產品
- 大墨爾本市區內圍，外圍，東西區考慮
- 豪宅裝身攻略 （完成，需要少改）
- 實戰分折之一，xx區。。。
- 實戰分折之N，xx區
第五部份：投資房衍生生意，增加被動收入 (Target – 31/7/2020)
為客人製造價值，為兼得高現金流及物業升值民宿生意物業分契物業彍建及重建後疫情新景象，分契的迷思
