感受美國9%通帳威力

美國通帳打破40年來記錄,親身到重災區中嘅重災區三藩市,感受一下。

原價5千貨賣1萬的故事

當地老朋友以一個故事簡單說明今天境況。一名商人手上有一批貨,一向賣開每件5千蚊,供不應求。先坐地起價到1皮野,讓心急又負擔得起嘅客人先購入,有貨剩先再賣番5千。供應鏈冇錯出左問題,但有不正常需求自然有人額外再抬價。之前我已經預見衰退必來,因為市場要冷卻,仲要係急凍。

俄烏戰爭爆發,當地油價升一倍。美國大部分運輸都靠貨櫃車,通帳再蔓延。

衰退已經開始,分別只是硬定軟著陸。三藩市朋友的工作地方已經開始裁員,相信未來幾季業績都會難睇,壞消息陸續有來。雪上加霜係當地政府各種臨時附加稅,喺原來銷售稅之上再徵收一筆,用以抗疫,及抵消因為封城而少收嘅各種稅項。同香港酒家叫海鮮一樣,原本牌價已經要叫救命,埋單再嚇一跳。

不過,我預期呢次衰退係針對性嘅,中產首當其衝,草根階層影響應該較輕微,最近各國就業數字強勁,就係基本勞動職位大增撐住。若要投資物業,要留意該區的就業機會。

曙光

黑命貴(BLM)暴力事件最壞時刻已過。我早上6點出市中心走走,雖然仍然滿街露宿者同警察,但仍覺安全。最重要係見到有愛,有動力,有執行。市政府請了同樣「有故事的人」,去每天幫手處理露宿者,清潔地方,包括有尊嚴地叫醒佢地先去指定地方休息,等商人可以開門做生意。另外有專人提供及清潔臨時公廁,派飯等。(主題圖片,攝於三藩市市中心早上清場過後)

民主黨和事佬任務已完,即使加州係傳統票倉,市民已經受夠今天困局,共和黨鷹派會再上場。

後記:三藩市同新加坡一樣,啲人老咗都考慮搬走去平啲地方住。

後記之二:我2月訂左Tesla,上海出事延期到8月尾交車。但已有車行落訂買我架車,可小賺6千大洋、雖則未能如願用自家太陽能充電代步,但利潤已可抵消未來兩年油費(但係已經用左)。二手車竟然貴過新車,又係抬價也。

後記之三:呢筆橫財利潤全數用來支持來自香港嘅後生仔澳洲練馬師Smiley,作為部分買馬(見圖)及養馬之費用。

後記之四:車行會再抬最少5千放賣,祝好運!世界已瘋了。

關於Smiley, 見前文《訪問香港移民練馬師Smiley Chan,為追夢去澳洲鄉村學師苦幹》

新馬練出閘

Published by Lok

Middle-aged entrepreneur who is always looking for inspirations to create. 中年有機, 好戲在後頭! 小弟一把年齡,驚覺中年先有機,生活無可避免改變,現在誠實面對 。每日繼續打拼,尋找靈感,堅持去創造。

3 thoughts on “感受美國9%通帳威力

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: